Згодна з паданьнем, ён быў забіты за высьведчаньні паганства і ідаласлужэньня.
§ 78. Малыя прарокі.
З малых прарокаў, якія жылі ў пэрыядзе ад разьдзяленьня царстваў да Вавілонскага палону, адны пераважна прадказвалі болей-меней блізкія здарэньні свайго часу, другія — праракавалі аб будучым Мэсіі. Гэтак ―
прарок Наум прадказаў упадак Нінэвіі;
прарокі Амос і Аўдзій прадказвалі, што Бог не адкіне аканчальна свайго народу і зьверне яму ранейшы бліск у царстве Мэсіі;
прарок Сафонія прадказаў паварот юдэяў з палону і гаварыў аб славе, якая чакае іх, калі Мэсія будзе знаходзіцца сярод іх;
прарок Авакум прадбачыў таксама зьяўленьне Бога — Збавіцеля на зямлю;
прарок Міхей прадказаў, што Мэсія народзіцца ў Віфлееме;
прарок Іоль прадказаў, што ў царстве Мэсіі веручыя багата адтрымаюць дары Сьвятога Духа
і прарок Осія прадказваў аб уваскрасеньні Збавіцеля ў трэці дзень і аб перамозе яго над пеклам і сьмерцяй.
Гісторыя царквы ў пэрыяд ад палону Вавілонскага да прыходу І. Хрыста (з 589 году да Х. Нар.).
А. Панаваньне Вавілонскае.
§ 79. Становішча Юдэяў у палоне Вавілонскім.
Цяжкае было прабуджэньне юдэйскага народу ў палоне Вавілонскім. Замест свабоды — рабства, замест багацьця і раскошы — няволя, замест панаваньня — убогасьць і банкруцтва, замест паважаньня — зьнявага; там, удому, свая родная зямля, увесь народ сабраны ў „доме Юдавым“ —
