Гэта старонка не была вычытаная
ЛЮБІМ ВЫПІЦЬ!
Малайцы землякі — любяць выпіць.
І гоняць і п‘юць, і апараты добра хаваюць.
У некаторых, праўда, паадбіралі апараты.
Бываюць разьзявы. У сям‘і не бяз уроду.
А наогул, дык землякі малайцы.
Ня ведаю, ці зьяўляецца Атачкін (старшыня Слуцкага Спажывецкага Райтаварыства) маім земляком, але выпіць ён любіць.
„То-есть в доску любит товарищ Атачкін выпить“, — як казаў пра яго адзін сябра па выпіўцы загадчык прускай крамы, які таксама быў: „не то, чтоб очень п‘ян, но весел бесконечно“.
Але гэта толькі агульная характарыстыка Атачкіна і яго сябра.
Канкрэтна ў гэты раз, аб якім ідзе рэч, таварыш Атачкін едзе са сваім сябром па вуліцы вёскі Прусы.
Едуць сабе і пяюць.
Сяляне зацікавіліся концэртам.
