Гэта старонка не была вычытаная
II
Вы прышлі з далёкіх ваколіц,
вы прынесьлі далёкія песьні.
Загубіў залатую падкову
на шурпатым аўсянішчы месяц.
Гадоў не адна ўжо сотня
праняслася над нашым полем.
Вы казалі: „У ціне балотнай
не растуць кіпарысы ніколі!“
А прышлі-ж вы, прышлі здалёку,
вы прынесьлі далёкія песьні:
і затупаў нячутым крокам
па шурпатым аўсянішчы месяц.
За акном зарыдала катрынка,
А я-б лепш паслухаў гармонік,
Каб былі, каб былі ў мяне крыльлі,
я-б за песьняй паляцеў ў пагоню.
