| Нэўрогенныя | ||
| Лік выпадкаў | Опэрацый | |
| Сырынгоміэлія | 2 | 1 |
| Язвы ступы | 14 | 7 |
| Язвы кульцяй | 2 | 2 |
| Эндокрынныя | ||
| Склеродэрмія | 1 | 1 |
| Дачасовая пал. сьпеласьць | 1 | - |
| Статыка-дынамічныя захворваньні | (ортопэдычныя) | |
| Косьці і суставы | 38 | 27 |
| ___________________ | ||
| 133 вып. | 103 оп. 3 сьмерці | |
| 2,5 проц. | ||
Заключэньне
Найбольш вызначаючым сьмяротнасьць фактарам зьяўляецца само захворваньне — у сэньсе яго сутнасьці — па-першае, і лёкалізацыі — па-другое. Пасьля падрабязнага разгляду сьмяротнасьці пры цэлым радзе захворваньняў, наўрад ці ёсьць патрэба зноў суміраваць гэтыя даныя, тым больш, што на лічбы, паданыя вышэй, я гляджу хутчэй як на прыкладныя паказальнікі, чым як на матэматычныя вялічыні. Вывады-ж з паданага матэрыялу настолькі зразумелыя, што не патрабуюць асаблівага падкрэсьліваньня.
З пяці галоўных груп захворваньняў на першым месцы, па сваёй небясьпечнасьці, стаяць пухліны, а з іх галоўным чыным, пухліны ўнутраных органаў — мазгоў, страўнічна-кішачнага тракту і яго залоз і т. д. Сапраўднае змаганьне са сьмяротнасьцю ад злаякасных пухлін магчыма толькі пасьля разьвязаньня проблемы раку і значыць, ляжыць у галіне навукі; зараз-жа нашы паліятыўныя мерапрыемствы зводзяцца да захадаў соцыяльных агульнай профіляктыкі, больш раньняга дыягназу і больш радыкальнага опэраваньня.
Група аномалій зьяўляецца сваяасаблівай. Яна дае вялікую сьмяротнасьць ад дзьвёх прычын: несумяшчальнасьць аномаліі з жыцьцём і агульны кепскі стан выродлівага організма. З прычыны гэтага такія дзеці гінуць вельмі рана. Тыя, што выжываюць, аднак, кепска пераносяць нашы хірургічныя мерапрыемствы. Малая колькасьць гэтых прыраджоных аномалій параўнаўча з іншымі захворваньнямі дае права ня спыняць на іх асаблівай ўвагі.
