Старонка:Прозалаць (1926).pdf/40

ВЯСЬНЯНКА

Калышацца песьні-вясёлкі,
вясьняных цымбал перабор.
Вясна, як дзяўчына іголкай,
вышывае слуцкі ўзор…

Зігзагамі вецер сваволіць,
нібы электра ток абвіе
і прыемна, бы сьпеў комсамоліі,
што стагодзьдзямі край пяе.

Весела ў грудзях юнацкіх,
песьні вобразы городу ткуць, —
ці восем гадзін за працай,
ці ў клюбе ў політуртку.

Ці проста, калі комсамолка
мне раскажа пра поле, жніво
Пра вясковыя песьні — вясёлкі
я ўспомню свой шэры завод.