Гэта старонка была вычытаная
Ня дарма пільнуе мой згорблены стан
На сьценцы забытая лямпа.
Мне хочацца песьню
Сваю закаваць
У строі бліскучай магуты,
Мне хочацца ў песьні сваёй збудаваць
Мана завод і магутны.
І я ўкладаю
Разьлічаны плян,
Прыгожыя ладжу рыштункі,
Яму вызначаю я мейсца і пляц
І цэглу найлепшых гатункаў.
І вось узрастае.
Сьцяна за сьцяной,
Дзівосныя звоняць машыны…
І радасна так паглядае ў акно
Кавалачак неба сіні.
■
Яшчэ засталося
Праверыць разьлік,
І скончаны будзе завод мой,
Але за вокнамі днём расьцьвілі
Вырысы плошчаў халодных.
Дзевяць гадзін!..
Як ліхі прыгавор,
Лічыць гадзіньнік на пляцы,
І я пакідаю мой ветлівы двор,
Каб не спазьніцца на працу.
|}
