Гэта старонка была вычытаная
Мора
Аўсяных палян!
Побач істужкаю
Лес і дарога,
Кружыць пад небам
Бусьліны ўзьлёт.
Гэты пэйзаж
Падмацован аблогам
Распрацаваных пустэч
І балот.
Шырач такая,
Ня месьціцца ў слове,
Вось яна песьціцца
Ўся ў каласох!
А колісь жылі тут
З бядой на палову, —
Плялі сабе лапці,
Карпалі пясок,
І столькі было
Над краінаю жалю
І столькі нуды
У краіне было,
Што толькі вятры,
Ды сычы над крыжамі
Спраўлялі свой дзікі
І жудасны зьлёт.
І гэта, я знаю,
Было не пад сілу,
