Гэта старонка не была вычытаная
∗
∗ ∗ |
Гарэце, сузор‘і, гарэце
У гэты таемнасьці час!
Аб лепшым аб чымсь варажэце,
Каб злучнасьці вугаль ня згас!
Каб бубны аб вольнасьці білі,
Каб сьцягі трымалі, насілі,
Каб людзі цягнулісь да вас!
6. Зварочаньне
Зноў на коні, зноў на сані!
Ў грудзі белыя сьнягоў!
Паздарова, вёска-пані,
Разьвіталіся: боў-боў!
Вонках хаткі і сялібы,
Збудаваныя наноў;
Дахі вышай, болей шыбаў, —
Дар сваіх кіраўнікоў.
Цераз белыя паляны
Зараз ўедзем ў хвойны бор.
Як на сьвята ён прыбраны,
Сонца з сьнегам тчэ узор.
