Я сёньня малюся багом,
Усім старажытным, паганскім:
Таму, хто дасюль Пяруном
Завецца па сьвеце славянскім,
Што сыпе маланкі ды гром,
Што рушыць лясы ў буралом,
Што шляхам ідзе крывічанскім…
Да пастыра статкаў зьвярнусь
Здароўніка-лекара хворых:
Велесу старому малюсь
Ад імя унукаў дакорных.
І сам тым малітвам дзіўлюсь,
І сам перад богам хвалюсь, —
Імкнуся у рухах пакорных…
Багіні, што воўну скубе,
Макушы, сястрыцы Велеса,
Малюся у гэткай кляцьбе.
|