Гэта старонка не была вычытаная
Ангельская песьня.
Ангелы на небе заўсёды Бога выхваляюць. І мы з імі павінны Бога славіць і маліцца Яму.
Аднаму добраму хлопчыку Бог даў пачуць ангельскі сьпеў на небе ў такіх словах:
| Ст҃ы́й бж҃е, ст҃ы́й крѣ́пкїй, ст҃ы́й безсме́ртный. | Сьвяты Божа, Сьвяты Крэпкі, Сьвяты Несьмяротны, памілуй нас. |
Падняты бурай угару ў часе землятрасеньня, хлопчык сам навучыўся гэтага сьпеву, і калі спусьціўся з неба, дык перадаў людзям. Усе пачалі такімі-ж словамі маліцца, дадаўшы ад сябе:
| поми́лꙋй на́с. |
І Бог зьмілаваўся над людзьмі: зямля перастала трасьціся.
Праслаўленьне Бога.
| Сла́ва ѻ҆ц҃ꙋ́ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ пр҇нѡ, и҆ во вѣ́ки вѣкѡ́въ. А҆ми́нь. | Слава Айцу і Сыну і Сьвятому Духу, цяпер, і заўсёды, і ў векі вечныя. Амінь. |
Ны́нѣ — цяпер. При́снѡ — заўсёды. Во вѣ́ки вѣкѡ́въ — на векі вечныя, да канца сьвету.
