«повинуйтеся наставником, вашимъ и покаряйтеся: тые бо бдять о душахъ вашихъ». Смотрите жъ, што вамъ Пань Богь росказуетъ: «веры, поведа, преложоныхъ своихъ наследуйте». Они зблудить не могуть, бо отъ Бога послани сутъ, и Духа Светого на то мають. Еслибы зблудили (што есть неподобно), вы бы есте были вымовени, а они бы были прокляты. Бо коли имъ Панъ Богъ верыть и слухать ихъ росказалъ, Самъ бы насъ завелъ, коли бы блудниковъ слухать казалъ. Певне имъ, кгды пры церкви и голове и навысшомъ пастыру церковъномъ стоять, блудить не допустить. Овца (об. 24) за пастыромъ идеть, не пастырь за овъцою: онъ рядить и ведеть, не овца рядитъ и вожомъ есть. Греческий учитель (Григорей) Назыянзенскый написалъ: «яко розный есть человѣкъ отъ быдляти, такъ епископъ, албо плебань розный есть отъ своихъ светскихъ учневъ, которые не своимъ розумомъ, але розумомъ пастыровъ своихъ въ речахъ духовъныхъ справоватьсе и своего доброго збавенного зъ ихъ науки искать мають». Для того жъ апостолъ до епископа мовить (до Тита, 2): «такъ научай и упоминай, и карай зо всякимь росказованемъ, нехай тобою нихто не погорожаеть»
Моглить владыкове свецъкимъ ce тежъ въ той мере овцамъ своимъ оповедеть, якожъ оповедали тымъ, о ко торыхъ розумели, ижъ ихъ науце и розуменью спротивятсе не мели, и много ихъ за собою потягнули. Але тымъ не винни были того своего предсевзятя оповедать, о которыхъ ведали, ижъ до едности перешкоды чинить мели
