сти заховаль, и ростырки християнъские поровънывалъ и едналъ. Тотъ одинъ не есть инъший, одно Петръ светый съ потомъками своими, бискупы Рымъскими, яко то светые отцы выкладаютъ и нижей се слова ихъ положатъ; съ которымъ сполечность меть и его, яко головы, слухать - повинность есть збавенная епископова звлаща християнъскихъ. До такое науки и розъсудку мають ли якое право люди светские, абы ся безъ нихъ верыть и научать и заховать не мело, нехай каждый розознаетъ.
Суды о науце въ праве Божомъ и въ писме иереемъ даются, яко есть у Мойсея (книги 5 Мойсей, 17), где Панъ Богъ тое право ставить, абы зъ вонтьпливостями о науце и законе Божомъ зноситсе (до жерца, то есть) до каплана винъни были вси, и выроку его слухали, и непослушного и въ розуме горъдого, который бы на выроку (жерцовомъ, то есть) капланскомъ не переставалъ, вельми карать росказуєть. Што и пророкъ Езехиель (44) повторылъ мовечы: «и люди Моя да накажуть разлучити между светымъ и скверънавымь, и межи чыстымъ и нечыстымъ совестять имъ. И разсужение о крови да уставятъ, яко разсужати оправдания Моя и законы Моя и повеления Моя въ всихъ праздъницехъ». И Малахия пророкъ ясне мовить: «яко устнѣ иереове сохраняете разумъ, и закона взыщу отъ усть его: яко анъгель Господа Вседержителя есть». И король Езаѳать (въ
