|
Не гудзи так, восень,
Непагодай дзикай,
Не крываўся, сэрцэ,
З нядоли вяликай.
Цяжэнька марнеци
У жыцця паняверцы,
И восень на свеце,
И восень на сэрцы.
Што год вясну бачым,
Гуляючи ў поли,
Ды вясны на сэрцы
Не знаў я николи.
Не даў ты мне, Божэ,
Зазнаць шчасця, волю,—
Забяры ж ты, Божэ,
И маю нядолю.
Моладасць, вясоласць
Не жыли са мною,
Пейцеж хоць вы, песни,
З нешчаснай душою.
Не гудзи так, восень,
Непагодай дзикай,
Не крываўся, сэрцэ,
З нядоли вяликай.
|
