Гэта старонка не была вычытаная
Лясы,
шумлівыя лясы
сьпяваюць сёньня
нашы гімны.
У дні вялікае вясны
бясслаўнай сьмерцю
не загінем!
— Браты,
навокал вогнішча сядай, —
свой плян
дакладна абмяркуем.
Ня трапіць вораг наш
сюда
і не прасьвішчуць залпам кулі.
— Мы ведаем —
страляюць нашых
паны перад сваім канцом.
Палохае наш цень
і страшыць уланаў —
панскіх малайцоў.
Мы ведаем —
рабуюць нашы хаты,
братоў вядуць у катавальні.
Мы прыдзема
на баль багатых
у дзень апошні,
разьвітальны!