Гэта старонка не была вычытаная
вашихъ, да разумеете, яко Азъ есмъ Господь освешчаяй васъ" и прочая (Исход 22). Тую жь таки причину и Езекиiль широко выписуеть у 20 главе, межи иными словы пишеть, яко Богъ рече: "Суботы Моя дах имъ, яко ж быти въ знаменiе межю Мною и межю ими, яко жь разумети им, яко Азъ Господь освешчая и<х>". Яко Моисей, тако Езекiилъ кажють, иже для того Богъ далъ былъ суботу и святити ю велелъ, абы розумели, яко освятитися от Бога потребовали.
Третяа причина, абы онъ людъ мелъ опричьный день, которого бы Закон розбералъ и иншие святые речи делалъ. О томъ и Лука в Деанiахъ Апостолъских споминаеть, яко Моисей чтеться по вся суботы. Четверая причина естъ, абы неволником и неволницамъ,
