Гэта старонка не была вычытаная
святити велелъ.
Первая причина, абы сътворенье света припоминали. О той причине Моисей тако пишеть: "Въ шести бо днехъ сотворилъ Богъ небо и землю, море и вся, еже в нихъ суть, и отпочинул в день седмый" (Исход 32). Яко бы реклъ тако: "Помни день суботный святити, бо в шести днех сътворилъ Богъ весь светъ, абы есь того не забылъ".
Другая причина, абы онъ людъ мел тайну или образъ отпочиненья духовного. То есть, субота знаменовала, иже вси потребуемъ, абы насъ Богъ посвятилъ и до вечного отпочиненья принялъ. Тую причину далъ знати Моисей у Исходе где пишеть, яко Богъ рече: "Видьте да суботы Моя соблюдете, понеже знамя естъ межи Мною и вами в родехъ
