Гэта старонка не была вычытаная
и скотом было отпочиненье. О тоя причине Моисей написалъ тако: "Шесть дней делати будешь, седмаго же дня престанеши, да отпочинеть волъ и оселъ твой и да отдыхнеть сынъ рабы твоея и пришлецъ, иже естъ у тебе". Вже тепер погледи до тыхъ причинъ, а самъ собою вырозумеешь, яко повинни есмо тому слову, а яко не повинни. Бо водле некоторихъ причинъ вже свободные есмо от седмого дня, а водле иншихъ причинъ потреба, абы и хрiстiане мели опричьный день, которого бы святили.
Вторую причину поведелъ есмъ на тотъ обычай, иже для того людемъ Iзраилевым велел Богъ суботу святити, абы ихъ упоминала а на память приводила, иже имъ надобе освешченья и покоя, або ижь потреба, абы ихъ
