Гэта старонка не была вычытаная
слухати, милостину давати, Богу ся молити и прочая. Прото не боронить Богъ на тотъ день святыхъ делъ делати, але только мирскихъ або светьских, дочасных, а того живота. А опять велить нам чинити святые дела, яко есм вже поведелъ.
ПЫТАНЬЕ
Скажи ми, естли и хрiстiане повинни седъмый день святити, а к тому ешче для чого неделю святять, а не суботу?
ОТКАЗЪ
Кто вырозумееть, для чого Богъ людемъ Iзраилевымъ суботу святити велелъ, онъ теже снадне вырозумети можеть, яко хрiстiане слободни от седмого дня, а яко ему повинни. Ино находимъ у Святомъ Писмени чотыри вины, для которихъ суботу Богъ
