Гэта старонка не была вычытаная
ОТКАЗЪ
Не у тотъ обычай Богъ седмый день святити велелъ, абы роботы не рад виделъ, а прожнованье любилъ, поневажь на Адама тотъ законъ, высылаючи его з рая, взложилъ, абы у поте лица своего елъ хлебъ свой, и землю бы делалъ по вся дни живота своего (Бытья 3). Але абы мелъ человекъ певный день, которого бы ся Слова Божiего оучилъ и святыми бы ся речми бавилъ. И того для у томъ Слове не тако спроста празновати повелеваеть, ани знага делати заказуеть, але святити той день велить.
"Святити" пакъ не розумееться прожновати или ничого не творити, але святые дела чинити. А дела святыя оны суть, котория Богъ чинити велелъ, яко Слова Господня
