Гэта старонка не была вычытаная
Пастыром теже добримъ обецуеть Хрістос, яко будуть мети часть у Царствіи Небесномъ. Тако бо у притчы рече: "Блазенъ рабъ той, его же пришед господин его обрашчеть тако творяшча. Аминь глаголю вамъ, яко над всемъ именіемъ своим поставить его" (Мат 24:46-47). А в притчы о талантех оному, который пятию талантъ другую пять принялъ, то ест который много людей къ Богу навернулъ, тако рече: "Добрый рабе, благы и верный, въниди в радость Господина своего" (Мат 25:21). Даніилъ теже пишеть, яко учени процветуть, акы светъ небесный. И кои къ правде наоучают многыхъ, акы звезды въ вечные вечности (Дані 12).
Господари, которіе подданыхъ своихъ любят, право судять и уряду своему досыть
