Гэта старонка не была вычытаная
Што тым будеть, они же тому пятому слову послушни?
ОТКАЗЪ
Отци, которіе чада своя по повеленію Божіему в благоверію и в наказанію выховывають, великою потомъ потеху с них мевають. Яко Духъ Святый Давыдом обецалъ, где тако пишеть: "Жена твоя яко лоза плодовита въ странах дому твоего. Сынове твои яко новорасли маслинные окрест трапезы твоея" (Псалом 127:3). Соломон теже рече: "Сынъ мудрый возвеселить отца" (Прит. 23:22). Тако былъ Богъ Iакова оувеселилъ, егда увиделъ сына своего Iосифа всее земли Египетское господаремъ (Бытя 47). Потому же Давыд веселъ былъ, коли Соломона на престоле своим оузрелъ (3 Цар. 1).
