Гэта старонка не была вычытаная
чинять, не могуть без того быти, абы им Богъ не благославилъ. Яко Самуилъ къ Саоулу и подданным его рече: "Будете ли ся бояти Господа, и поработаете Ему, и послушаете ли гласа Его, и не отвержете ли ся словесъ Его, будете и вы и Царь, иже царствуеть над вами, наследуюшче Господа Бога вашого" (1 Цар 12). То естъ благословени будете во всех делех своих, и царство долго стояти будеть.
Тое жь написалъ Соломонъ, где рече: "Царь он же судить въ правде нишчимъ, престолъ его въ веки оукрепится" (Прит. 29).
Справедливым господаром даеть Богъ и долгие лета, яко тот же Соломон рече: "Царь он же возненавидить неправды, долго время поживеть" (Прит 28).
Таковым господаром даеть Богъ силу
