Гэта старонка не была вычытаная
въступивши на кресло высокое, завешчал заветъ пред Господемъ (4 Цар. 22-23). То естъ наоучалъ подданых своих Слова Божіего.
Таковых бы и тепер Царей надобе. Але діаволъ не спить, забегаеть тому, яко можеть и умееть, верешчить черезъ свои сосуды, яко не годиться господаром Слова Божія ани учитися, ани людей навчати. Не твое дей, Господарю, дело. Лечь Духъ Святый у Святом Писанію не потому сведчить, но всехъ к тому напоминаеть, - а наболей князей или царей и иных господаровъ, - абы Законъ Божій розумелі. А чи не тако Духъ Святый на цари у псалме вопиеть або кличеть: "И ныне, царие, разумейте, накажитеся вси судяшчие землю. Работайте Господеви со страхомъ и радуйтеся Ему со трепетомъ. Пріимете
