Гэта старонка не была вычытаная
гие люди великъ голодъ Божіа Слова терпять и у старом блуде за таковым голодом укрепляються. Што на онъ часъ вы, Господари откажете, коли на страшном суде станете? Како личьбу отдасте? Не вы ли у том винни, што подданые ваши Бога не знають? Покайтеся, покайтеся, бойтеся суда Божіа. Паметуйте на Давыда цара, яко и самъ Закона Божіего училъ подданых, и таковых людей, которие бы учили, мелъ. Паметуйте Соломона, яко докуле былъ не согрешилъ идолослужениемъ, потому жь чинилъ, то естъ, яко отецъ подданых и речію и Писаньемъ училъ, такъ иже ся и Екклесиастом, то есть казнодеемъ, написати не соромелъ. Возмите взорь от оного богочестивого Цара Іоудейскаго Осіи. О том написано, яко самъ,
