Гэта старонка не была вычытаная
наказаніе, або поцелуйте Сына" и прочаа (Пс. 2:10-12). Бачиш ли, яко Духъ Святый повелеваеть царом розумети а придаеть "ныне", абы не откладали. Ешче велить таки им же наказатися, а діаволъ отстрашаеть вереском своим: "Не твоя речь, господарю".
По третье, велить работати Господеви. А как же лепшей цар или князь поработаеть Господеви, развей естли подъданымъ откриеть волю Его, абы ю чинили. Опять, у другомъ псалме той же Духъ рече ни на кого иного, только на цари а на господари: "Возмете врата князи, ваша и возмитеся врата вечьная, да вніидеть Царь славы" (Пс. 23:7). У томъ теже стиху показуеться, яко много на господарехъ належить, коли отверають врата до своихъ землъ Цару славы, то естъ Божіему
