Гэта старонка не была вычытаная
его што чинити указуеть, не буди яко Доикъ, Саоуловъ похлебца, не чини, хотя бы самому животъ брали. Укажеть ли твой господарь иконом кланетися, паметуй противное Божіе Слово: "Не учиниши собе образа, ани ся ему поклониши", а по Апостолу - "Бегайте от ідолослуженіа" (1Іоан 5:21). Речет ли господарь: "Призывай святых вже усопших на помочь", откажи: "Господарь мой еси ты, але Богъ, старейшый Господь господьствуюшчим и Царь царствуюшчимъ, не потому мне велить, рекучи: "Господу Богу твоему поклонишися и Тому единому послужиши" (Мат. 4:10). Апостолъ пакъ сведчить, яко единъ ходотай Богу и человеком, человекъ Ісус Хрістос (1Тим. 2:5)". Потому жь и на иншие откажешь.
ПЫТАНЬЕ
