Гэта старонка не была вычытаная
Што повинни родители детемъ або врадники подданымъ своимъ?
ОТКАЗЪ
Родителемъ Апостолъ тако науку даеть, што повинни детемъ, где къ Ефесіомъ пишет: "Отци, не раздражняйте чад своихъ, но воспитайте я въ наказаніи и въ научаніи Господнемъ! (Ефес. 6:4). Три речи въ одно место спойлъ Апостолъ, што повинни Отци. Напервей - выхованье, потомъ - наказанье або каранье, а на остатокъ науку.
О выхованью або выживенью не надобе много говорити. Самое бо естество або прироженіе к тому тягнеть отца и матку, абы чадомъ выживенье давали. Лечь понеже того для Богъ людей на свет попустилъ, абы Его знали. Прото не только телу выживенья по-
