Гэта старонка не была вычытаная
хотелъ, разве Доикъ Ідумеанинъ волю цареву нечестиве учинилъ (1Цар. 21,22). Прото не маеть слуга або подданы только на тое гледети, естъли господарь што велел, але естли повеленіе его згожается з Божіемъ повеленіемъ.
Теперь много людей знають правду, нижли, господаровъ своихъ деля, исповедати ее не смеють. Лечь таковыи мели бы паметовати на Слово Хрістово, где рече: "Не бойтеся о убиваюшчих тело, душю же не могушчих оубити. Убойте же ся паче могушчаго и душю и тело погубити въ геене огньней". Прото естъли господарь указуеть або войну служити, або наостатокъ подачокъ платити, на остатокъ и в неволю повернути, маеть хрістіанинъ терпети и за нимъ Бога молити.
Але естъли противу Слова Божі-
