Гэта старонка не была вычытаная
Богъ не тако далъ власть Царомъ и инымъ врядникомъ, абы Собе болшее не заховалъ. Прото маеть ся на повеленіе царево или иного которого господаря слуга намыслити. Если ся с повеленіемъ Божіемъ згодить, ино повиненъ яко Самого Бога слухати. Если пакъ напротивъ Богу и Его Слову -- не маеть чинити, бо написано: "Послушати подобаетъ Богови более, нежели человекомъ" (Деян. 5:29).
Коли ся царь Саоулъ на Ерея Ахимелеха и на сыны его розгневалъ, иже былъ принялъ Давыда и ести ему далъ, и онъ мечь, которим Голиафа убилъ, выдалъ, и велелъ Саоулъ в окрестъ стояшчимъ служебникомъ, абы которы скочивши убилъ Ахимелеха и сыны его. Лечь ни одинъ от стояшчих царского повеленія исполнити не
