Гэта старонка не была вычытаная
вере и истинне" (1тім. 2:7). Зде ся оучителемъ назвалъ, а къ Коринфом пишеть тако: "Не срамляя вас пишу сія, но чада моя возлюбленная наказаю. Ашче бо тму оучителей имате о Хрісте, но не многы отца. Бо о Хрісте Ісусе благовествованием азъ вы родих. Молю убо вас, подобни ми бывайте. Сего ради послах вам Тімофея, иже ми ест чадо възлюбленое" (1Кор. 4:14). С тых словъ Апостольскихъ явне, иже ся отцом Коринфом пишеть, а потому жь и Тимофею. Прото заказъ Хрістовъ мусить ся не такъ просто розумети. Бо если бы ся просто розумелъ, не чинил бы противу его Апостолъ, то естъ не звалъ бы ся ани учителемъ, ани отцемъ. Прото тако розумети маемъ слова Хрістова, где заказуеть оученикомъ, абы ся учительми не зва-
