Гэта старонка не была вычытаная
не мней, але яко родителем, не такъ для обороны и наукы, яко для того, ижь оныхъ Богъ на Своим месте поставилъ и послушеньство им чинити велелъ.
ПЫТАНЬЕ
Естли родители, пастыри або оучители и господари за отцы чтити маем, чого для Хрістос заказуеть отцомъ кого звати на земли, даючи того причину, иже единъ ест Отецъ наш на небесехъ (Матф. 23:9)?
ОТКАЗЪ
Не только отцами людей звати Хрістос заказал, але того жь часу Апостоломъ заборонилъ, абы ся оучительми не звали. А предся Павелъ Апостолъ назвалъся и оучителем и отцомъ, бо, пишючи к Тімофею, тако рече: "Iстинну глаголю о Хрісте, а не лжю оучитель языком въ