Гэта старонка не была вычытаная
ли, тое жь ся розумееть, яко коли бы им поведелъ: "Не оучете сами от себе, што ся вам полюбить, але што есмъ Я вас научилъ". Той бо оучителемъ ся зоветъ, кто не Хрістова ученья, але своихъ вымысловъ учить. Опять, кто Хрістова Слова навчаеть, можеть ся учителем назвати. Бо тая честь не его будеть, але Оного, чия наука. А ижь ся потому Павел и иншие Апостоли заховали, слушне ся учительми звали. Бо и на тое были от Хріста избрани и потом послани, абы навчали.
И того для Апостолъ к Ефесіом пишючи, не только Пророки, Апостолы, Евангелисти и пастыры личыть за дары, которие намъ Хрістос, по правицы Бога Отца седячи, даеть, але теже и учителей припоминаеть (Ефес. 4:11). Потому жь и званью отцомъ розумей, иже
