Гэта старонка не была вычытаная
безъ тых на свете пожити нельза человекомъ.
Безъ родителей бо на светъ никто не народиться, але хотя жь ся от родителей кто народить, а добрым норовом не наставиться, што за пожиток с него будеть? Потому жь хотя жь бы ся кто и народилъ, и выхованъ былъ, але бы врагъ непокой чинилъ, а вряду бы не было, который бы боронилъ, а нашто бы и выхованье? Лечь хотя бы и выхованье кто мелъ, и оборону, але бы опять Слова Божіего не мелъ от кого слухати, предся бы ешче великый недостатокъ терпелъ.
Прото сее пятое слово не только ся о родителех розумееть, але о всехъ тыхъ, которыхъ есмъ вже припоминалъ. То естъ о наставниках, о пастырех а о преложоных. Тым повинни есьмо честь
