А быць Кацярыне у замку Капусты
І заўтра чакай майго войта… у сваты.
Ой, у полі жыто |
З’ЯВА VII
Капуста (кліча).
Адам!
Адам (выходзячы з-за капліцы).
Ясны пане!
Капуста.
Хто едзе Бярозай?
Адам (узіраецца).
Спазніліся, мабыць, вярховыя госці.
Капуста.
І многа?
Адам.
Тры чоўны.
Капуста.
Гукні к перавозу
І разам паедзеш да замка. У госці
Прасі іх. Тым часам прашчупаць дарогай,
Адкуль і куды і багацця ці многа,
Ці ўзброена варта? А ўзяць іх ці мытам,
Ці быць ім у пушчы ў калодах разбітым,
Ты сам вырашаеш рукою набітай.
Спытае княгіня — скажы, што прыеду
З суддзём і падсудкам у замак к абеду.