Старонка:Выбраныя вершы (Чарот, 1925).pdf/25

ЛЕНІНАМАЙСКАЕ

Май — басаногі хлопчык Валодзя
Песьні слухае Волгі шырокай,
Май — Ленін на дымным заводзе
На трыбуне з прыжмураным вокам.

Вечны Май… У чырвоным убраньні,
У вачох акіян срэбрасіні…
Ён сягоньня жалобай паранены,
Вэльмам чорным над ім навіс іней…

Песьня-плач, песьня-кліч вызваленьня
Увесь сьвет зачаруе сягоньня
і памоляцца зноў перад Леніным
Вольны скіф і нявольнік колёній…

Май цяпла — закалосяцца нівы,
Май сьвятла — сонца грае ў палёх…
Я сягоньня шчасьлівы, шчасьлівы,
Што па сьвету Май песьняй разьлёг.