Гэта старонка не была вычытаная
Слухай, Май! Вясны ты любоўнік,
Тэй вясны, што з чырвонай травы…
Паміж сьцягамі Леніна помнік,
Мне, здаецца, што Ленін жывы.
Мне, здаецца, — з драўлянай трыбуны
Ён на захад кіўнуў галавою.
На загонах там ветрана-буйных
Вольны Май задажджыўся крывёю…
Погляд Леніна ловяць мільёны,
Погляд Леніна маёва-прамністы…
А там… хмары скудлачаным лёнам
Над Нёмнам навісьлі імглістым.
Май у пушчы заросшай чуць звоніцца, —
То паўстанцкай зямлі пакаленьне…
Там… у кожным промені сонца
Ловяць погляд няўмёршага Леніна.
