Гэтыя пытаньні называюцца склонамі. Кожны склон мае свой уласны назоў:
|
Задачка. Праскланяй у адзіночным і множным ліку: дом, вада, палатно.
§ 18. Апрача ліку адзіночнага і множнага ў беларускай мове часамі бывае парны лік: дзьве́ назе́, дзьве́ руцэ, дзьве́ сасе́ і г. д.[1]
Ад множнага ліку трэба адрозьніць такія зборныя іме́ньні як гальлё, лісьцё, кольле і інш., якія маюць форму адзіночнага ліку, але азначаюць збор многіх аднолькавых рэчаў.
§ 19. Некаторыя іме́ньні ўжываюцца толькі ў адзіночным ліку: жывёла, гародніна, садовіна, малако, насе́ньне, хараство і шмат іншых.
Некаторыя — толькі ў множным ліку: сані, се́ні, дрыжыкі і шмат інш.
Задачка. Напішы, якія іме́ньні ве́даеш, што ўжываюцца толькі ў адзіночным ліку або толькі ў множным ліку.
§ 20. Кожнае імя нале́жыць да аднаго з трох радоў: мужчынскага, жаноцкага або ніякага. Калі на якую рэч можна казаць ён, то гэта мужч. р.: брат, стол і г. д.; калі можна казаць — яна, то гэта жаноцкі род: сястра, бяда, кніга і г. д.; калі — яно, то гэта ніякі род: дзіця, вакно, дабро і г. д.
Некаторыя іме́ньні нале́жаць да агульнага роду, калі могуць азначаць так сама мужчынскі як і жаноцкі род: сірата, кале́ка і інш.
Задачка. Напішы прыклады на іме́ньні мужчынскага, жаноцкага, ніякага і агульнага роду.
- ↑ але заўсёды: два сталы, два браты і г. д., а ня два брата̀, два стала̀ (водлуг старога парнага ліку).