МАЁ ЖЫЦЬЦЁ.
Галубку.
Ну, падумай, браце, Як мне жыці стала, — Трэба згінуць ў хаце, Так бяда прыстала.
Дзе ты не паглядзіш, Дзе ня кінеш вокам, — З горам не паладзіш Ні плачам, ні скокам.
Годзік, як памёрла Жонка маладая, Зноў бяда прыпёрла: Боль мяне зьядае;
Сохну і марнею, Кашаль душыць горла, Скора захварэю, З твару краску сьцёрла.
Дзетачак пяцёра Дробненькіх, як маку, Старшае з іх хвора — Вось дзе, братка, смаку…