Гэта старонка не была вычытаная
Крэонт
Ці-ж братам той ня быў, хто згінуў ў бойцы з ім?
Антыгона
Так, брат і той, адны бацькі у нас.
Крэонт
Чаму-жа гэтага зьняважыла ты так?
Антыгона
Ня будзе так казаць нябожчык Этэокль.
Крэонт
Дала-ж пашану злому ты такую-ж, як яму.
Антыгона
Ня раб яго загінуў, згінуў родны брат.
Крэонт
Радзіму нішчыў той, другі абараняў.
Антыгона
Сьмерць дзеля ўсіх адны законы мае.
Крэонт
Дык нельга-ж, нельга добрага раўняць са злым!
