|
Złamajcie mnie dudku maju wierbawuju, —
Chaj piesień sumliwych nia hraje,
Chaj horkaho bolej ja płaču nia čuju,
Chaj ślozaŭ nichto bolš nia znaje!…
Złamajcie mnie dudku maju wierbawuju,
Paciechi daŭno ja nia maju…
Ja dudku druhuju sabie pryhatuju
I pieśniu wiasiolšu zajhraju!…
Złamajcie mnie dudku maju wierbawuju…
Mianie dudka inša čekaje,
I nowaho bytu ŭżo pieśniu druhuju
Wam nowaja dudka zajhraje!
U doli ščaśliŭšaj tej pieśniaj žywoju
Zahłušycca pieśnia ślaznaja!…
Złamajcie ŭ kusočki, — bo sumna ihraje!
Ŭsia dudka maja wierbawaja!…
| 
