Спадчына (1922)/VI/Прыпеўка

← Кацярына

Прыпеўка Верш Аўтар: Янка Купала 1922 год

З нуды →

Іншыя публікацыі гэтага твора: Прыпеўка (Купала).

Прапануем да спампаваньня!

ПРЫПЕЎКА.

На што бабе агарод,
Калі баба стара,
Калі бабе са сто год,
Кіпне пэўне зара.

Лепш аддаць гэты садок
Дзяўчынцы прыгожай,
Хай гусьценькі вішнячок
У садку размножа.

Будзе надна у цяньку
Летам паляжаці,
З пекным хлопцам падруку
Ўдвойчы пагуляці.

Будзе вішанькі зрываць
Дзяўчынка насьпелы
І дружочка частаваць
І туліць нясьмела.

1906 г.