Спадчына (1922)/I/Будзь сьмелым!

← Час!..

Будзь сьмелым! Верш Аўтар: Янка Купала 1922 год

Годзе!.. →

Іншыя публікацыі гэтага твора: Будзь сьмелым!..

Прапануем да спампаваньня!

БУДЗЬ СЬМЕЛЫМ!..

Будзь сьмелым! Магутна ярмо друзгачы!
Ідзі сам наперад, другіх вядучы!

Будзь сьмелым!.. ня вер у людзкую брахню,
Вер толькі ў адвагу і сілу сваю!

Будзь сьмелым, хоць путалі-б злыдні ўвакруг—
Адважным ваякам ня страшны ланцуг!

Будзь сьмелым, як вецер, як воля сама!
Знай, сьмелых ня чэпе ні крыўда, ні цьма!

Будзь сьмелым, як бура, што крышыць дубы,
А будзе твой верх, тваё права ўсягды!

3/VII—13 г.