Будзь сьмелым!..

З пляцоўкі Вікікрыніцы
Перайсці да: рух, знайсці
Будзь сьмелым!..
Верш
Аўтар: Янка Купала
1913
Крыніца: http://rv-blr.com/verse/showCollection/2673#29353


Будзь сьмелым!.. Магутна ярмо друзгачы!
Ідзі сам наперад, другіх ведучы!

Будзь сьмелым!.. Ня вер у людскую брахню,
Вер толькі ў адвагу і сілу сваю!

Будзь сьмелым, хоць путалі б злыдні ўвакруг, —
Адважным ваякам ня страшны ланцуг!

Будзь сьмелым, як вецер, як воля сама!
Знай, сьмелых не чэпе ні крыўда, ні цьма!

Будзь сьмелым, як бура, што крышыць дубы,
А будзе твой верх, тваё права ўсягды!
 
(1913)

Глядзіце таксама