Соленая

З пляцоўкі Вікікрыніцы
Jump to navigation Jump to search
Соленая
Верш
Аўтар: Мікалай Някрасаў
Пераклад: Янка Купала
Янка Купала Поўны збор твораў у 9 т. Том 1 — Мінск, Маст. Літ., 1995. ст. 273


Малы сынок
Ня есць, ня п’е;
О, Божа мой,
Глядзі, памрэ!

Дала яму
Кусочка з пядзь, —
Ня есць, крычыць,
Каб солі даць.

А солі той
Няма ані.
Пасып мукой, —
Так Бог шапні.

Раз-два куснуў,
Скрывіў раток;
Яшчэ салі! —
Крычыць сынок.

Я зноў мукой,
А на кусок
Сляза ракой…
Паеў сынок.

Так часта лгаць
Сынку магла:
Салонай, знаць,
Сляза была.

(? / 1905)