Сабор св. Марка ў Вэнэцыі

← У Альпах

Сабор св. Марка ў Вэнэцыі Верш Аўтар: Вацлаў Ластоўскі 1923 год Крыніца: Часопіс «Крывіч», № 2, ліпень 1923 г., б. 3-4

Генуэскі рынак →

Прапануем да спампаваньня!

Сабор св. Марка ў Вэнэцыі.

Візантыі таўпежнай,—
бліскучай, чваннай і многагрэшнай,—
сівы мармур старэтных сьцен
замацаваў пакайны гімн!
Масыў яго к зямлі прырос,
як собіна сьвятая;
і толькі Апаллонаў воз
імкнецца да нябёс.
Ўнутры, вачамі грозных ўладароў
з залочанага стропу, на шэры дол,
сьвятыя посьнікі, халодным зрокам
з суровасьцю нямой глядзяць!
Яны—імпэрыі нябеснае княжаты,—
багомасьцю багаты,—
нясьлі ў жыцьці крыжы,
дык, ты… цяпер,
дрыжы!
Ці будзь раўнёю ім:
або чарнец, або ўладар…
Спагаду, літасьці табе
ня суліць іхні зрок,
калі зьняважыў, неўнарок,
зямны, ці то—нябесны цэзарызм.
Ўвесь гэты холад, пыху і суровасьць
адно мякчыць: залочана асноведзь.

---

У кнізе «Расстраляная літаратура» (2008)

Сабор св. Марка ў Венецыі Аўтар: Вацлаў Ластоўскі Крыніца: Расстраляная літаратура, 2008

Прапануем да спампаваньня!

Сабор св. Марка ў Венецыі

Візантыі таўпежнай —
бліскучай, чваннай і мнагагрэшнай —
сівы мармур старэтных сцен
замацаваў пакайны гімн!
Масіў яго к зямлі прырос,
як собіна святая,
і толькі Апалонаў воз
імкнецца да нябёс.
ўнутры вачамі грозных ўладароў
з залочанага стропу на шэры дол
святыя поснікі халодным зрокам
з суровасцю нямой глядзяць!
Яны — імперыі нябеснае княжаты,
багомасцю багаты, —
няслі ў жыцці крыжы,
дык ты… цяпер
дрыжы!
Ці будзь раўнёю ім:
або чарнец, або ўладар…
Спагаду, літасці табе
не суліць іхні зрок,
калі зняважыў неўнарок
зямны ці то нябесны цэзарызм.
ўвесь гэты холад, пыху і суровасць
адно мякчыць: залочана асноведзь.

(1923)

---