Песьня X. Хмаркі

З пляцоўкі Вікікрыніцы
Jump to navigation Jump to search
Песьня IX. Песьня Хмаркі
Верш
Аўтар: Францішак Багушэвіч
Крыніца: http://rv-blr.com/literature/6460#406


Хмаркі цёмныя, мае братанькі!
Вецер гоне вас без дарожанькі,
І нігдзе ж для вас няма хатанькі…
Адпачынеце аж у Божанькі!

      Гдзе радзіліся, гдзе ж вы, хмарачкі,
      Гдзе «тутэйшымі» называліся!
      Леціцё ўсё, так як ярачкі…
      Хоць бы трошкі гдзе затрымаліся!

Зямлі родненькай, знаць, няма у вас,
Ні вуголчыка, ні прытулачку.
А тут вецер дзьме горшы раз у раз,
Леціце жа вы без ратуначку!..

      Летучы, сьлязой зямлю росіце,
      Аж шумяць лісткі, зелянее лес;
      Уміраючы, жыцьцё носіце,
      Усяму жыцьцё, сабе толькі крэс!