Хрыстаматыя беларускае літэратуры. ХІ век—1905 год/Ф. Багушэвіч/Хмаркі

← Калыханка

Хмаркі Верш Аўтар: Францішак Багушэвіч 1922 год

Мая хатка →

Іншыя публікацыі гэтага твора: Хмаркі (Багушэвіч).

Прапануем да спампаваньня!

ХМАРКІ.

Хмаркі цёмныя, мае братанькі!
Вецер гоне вас без дарожанькі,
І нідзе-ж для вас няма хатанькі…
Адпачынеце аж у Божанькі!
Гдзе радзіліся, гдзе-ж вы, хмарачкі?
Гдзе „тутэйшымі“ называліся?
Ляціцё усё, так як ярачкі…
Хоць-бы трошкі гдзе затрымаліся!
Зямлі родненькай, знаць, няма у вас,
Ні уголачка, ні прытулачку:
А тут вецер дзьме горшы раз-у-раз,
Ляціцё-жа вы без ратуначку!
Лятучы, сьлязой зямлю росіце,
Аж шумяць лісткі, зелянее лес;
Уміраючы, жыцьце носіце,
Усяму жыцьцё, сабе толькі крэс!^[1]

---

1. Канец, пакой.