Пекла было тут у тую часіну…

З пляцоўкі Вікікрыніцы
Перайсці да навігацыі Перайсці да пошуку
Пекла было тут у тую часіну…
Верш
Аўтар: Аляксандар Алесь
1912
Арыгінальная назва: uk:Украінська Муза/Випуск 11/Пекло, здавалось
Пераклад: Максім Багдановіч
Крыніца: http://rv-blr.com/literature/2693#367

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




 * * *

Пекла было тут у тую часіну:
Гром звар’яцеўшы стагнаў і равеў,
Білі вакол перуны без упыну,
Ўвесь небасхіл то пылаў, то чарнеў.
Бура прайшла, і людзей я пытаю, —
Што жа зрабілася з роднага краю?
Пэўна, руіны ў ім бура зрабіла…
Кажуць — разьбітую ліпу дабіла.
Думка! Калі я цябе выліваю
Ў слова халоднае, ў песьню сваю,
Гэткае ж пекла ў душы сваей маю.
Паліць яна мне душу ўсю маю.
Што ж, асьцюжоная словам людскім,
Ты нарабіла ў краю дарагім?
Можа, разьбіла маркотную ліпу,
Сьмерці прасіўшую у нуднаму рыпу.

(1912)