На чужыне (Ластоўскі)

← На оды Горація

На чужыне Верш Аўтар: Вацлаў Ластоўскі 1923 год Крыніца: Часопіс «Крывіч», № 4, верасень-кастрычнік 1923 г., б. 2-3

Песьня аб князю Вітаўце →

Назва ў зьмесьце: На чужыне

Прапануем да спампаваньня!

На Чужыне.

(З народных матываў).

Зайшоў, забрыў бел-малойчык
у чужу, пастылую
чужыначку,
бусурмацкую краіначку.
Налілі-падалі бел-малойчыку
тры чары паўненькія,
ўсе тры раўненькія:
а ў першай чары
туга пякуча,
а ў другой чары
сьлёзы гаручы,
а ў трэйцяй чары
забудзь гаюча!
— „Выпій, выпій бел-малойча
тры чары паўненькія;
выпій, выпій ты, малойча, ўсё тры раўненькія…
— „Хоць я іх і выпью
я пьяны ня буду,
а родну старонку
павек не забуду;
хоць я іх і выпью —
з ножак не звалюся,
хоць на Божу пасьцельку
дамоў я вярнуся“…
Гэй,
Старана мая староначка!
Не магу цябе прызабыціся
і ў ночы сплючы, і ў дзень ходзячы:
а я ў ночы сплю ды ня высплюся,
а я ў дзень хаджу — прызамысьлюся…

---