Песьня аб князю Вітаўце

← На Чужыне

Песьня аб князю Вітаўце Верш Аўтар: Вацлаў Ластоўскі 1923 год Крыніца: Часопіс «Крывіч», № 4, верасень-кастрычнік 1923 г., б. 3-4

Купальская песьня →

Прапануем да спампаваньня!

Песьня аб князю Вітауце.

(На старабеларускія матывы).

Ідзе Вітаўт па вуліцы
За ім нясуць дзьве шабліцы:
Слаўны Князь Вітаўт,
Слаўны Гаспадару,
Слаўна наша Гаспадарства!
Шаблі літы, злотам біты
У яшчар скуру апавіты.
Адна шабля для Спадара,
Друга шабля на Татара.
Стануў Вітаўт прад Кашовым,
Бліснуў ў сонцы шабляй новай;
Стукнуў грукнуў у падковы:
Гэй шыхтуйся пан кашовы
Гэй шыхтуйся збройна, жвава,
Дзе йдзе бітвы слаўна справа.
Кош ўвесь гукнуў з самапалаў,
З сямі-пядых ад запалаў,
Крыкнуў „Слава, Слаўны Княжа,
Вораг ў полі косьцю ляжа!
Славу Русі, Славу Жмудзі
Ў песьнях славіць будуць людзі“.

---